Баянтүмэн сумын  2, 4 дүгээр багийн нутаг дэвсгэрт Засаг даргын Тамгын газрын Байгаль орчны хяналтын улсын байцаагч У.Энхбаатар, байгаль хамгаалагч М.Алтанцэцэг, сумын хэсгийн төлөөлөгч цагдаагийн дэслэгч Ц.Цэндпүрэв нар 2 удаагийн хяналт шалгалтын ажлын 2016 оны 7, 8 дугаар саруудад зохион байгуулж ажиллав.
Хяналт шалгалтаар хууль бусаар “Дэрэвгэр жиргэрүү” ургамлын үндэс түүсэн 130-аад иргэдийг илрүүлж, 713 кг  үндэс, гар аргаар хийсэн лоом 126 ширхэг тус тус хураалаа. Засаг даргын Тамгын газар нь хууль бусаар түүсэн ургамлын үндсийг “Эмийн үйлдвэр” ХХК-тай худалдах, худалдан авах гэрээгээр борлуулан, орон нутгийн төсөвт 2,495,000  төгрөгийг оруулж ажиллав.
Хураагдсан гар аргаар хийсэн 126 ломыг сумын орлого болгож фондны өвсний хашаа хийсэн.