Баянтүмэн сумын Засаг даргын Тамгын газар, төсөвт байгууллагууд хамтран 2017 оны 03 дугаар сарын 23-ны өдөр Иргэдтэй уулзах өдрийн арга хэмжээг зохион байгуулж ажиллав. Энэ өдөр аймгийн Эрүүл мэнд нийгмийн даатгалын хэлтсийн дарга Ө.Амарсайхан, Эрүүл мэнд хариуцсан байцаагч нар иргэдэд "Эрүүл мэндийн даатгал", "Нийгмийн даатал"-ын талаар шинээр батлагдсан хууль тогтоомжийн талаар мэдээ мэдээллийг өгч иргэдийн сонирхсон асуултад хариулт өглөө.

Мөн ЗДТГазар болон төсөвт байгууллагууд үйл ажиллагааны мэдээ мэдээллийг иргэдэд өгөхөөс гадна Цэцэрлэг "Оньсон наадгай"-аар тоглох, ЕБС "Цахим гадуурхал цаашаа", ЭМТ "Зөв хооллолт" сэдвээр сургалтыг хийлээ.

Иргэдтэй уулзах өдрийн арга хэмжээнд 81 иргэн, ажилтан, албан хаагчид хамрагдлаа.

Энэ өдөр иргэдээс ирсэн санал хүсэлтээс дурьвал...

- Нохойны асуудал хүндэрч байна

- Хонхор дэрсэнд мэдээлэл ирэхгүй байна

- Цахилгаанчинд дуудлага өгөхөд эхлээд аймаг руу дараа нь сум руу өгч байгаа нь дамжлага ихтэй хүнд сурталтай байна. Шууд сумын цахилгаанчинтай харьцмаар байна.

- Соёлын төвийн гэрэлтүүлгийг сайжруулах хэрэгтэй байна

- Сумын бээлчээрийн асуудлыг шийдэж, сумын төвөөс адууг гаргах гэх мэт санал хүсэлтүүд ирсэн бөгөөд хариулт мэдээллийг газар дээр нь хэлэлцэж ажиллав.

 

Мэдээ оруулсан: 2017-03-23 11:11:11