Баярын нээлтийн ажиллагааг нээж, сумын Засаг дарга үг хэлж, төрийн дуулал эгшиглүүлэв. Сумын хэмжээнд алдарт эхийн 1 одон 2 эх, 2 одон 11 эхэд гардуулав. Шинээр одон авч байгаа ээжүүдэд Эмэгтэйчүүдийн зөвлөл хүндэтгэл үзүүлж, цэнхэр хадаг, цацлын халбага, цэцгийн баглаа гардуулж өглөө. Алдарт эхийн 1,2 дугаар одонтой ахмад ээжүүдэд сумын эмэгтэйчүүдийн зөвлөл хүндэтгэл үзүүлж цэцэг гардуулсан. 

Хүүхдүүдийн дунд "Асуувал, хариулъя" буланг ажиллуулж, сугалаа сугалуулан 24 азтан шалгаруулсан. Азтаны бэлгийг 12 иргэн, 2 байгууллага, Эмэгтэйчүүдийн зөвлөл ивээн тэтгэсэн. Мөн дэлхийн сүүний өдрийг тохиолдуулан баярын үйл ажиллагаанд хүрэлцэн ирсэн хүүхэд, эхүүдэд сүүгээр үйлчилсэн.