Жаргалант баг нь баруун талаараа Өлзийт багтай, хойд талаараа Хэрлэн сумтай, Зүүн талаараа БНХАУлстай, урд талаараа Матад сумтай хиллэдэг. Тус баг нь 260 өрхтэй 665 хүн амтай. Хөдөлмөрийн насны иргэд 414, өндөр настан 59 хүн байдаг. Газар нутаг нь 433548 га нутагтай. Багийн төв нь сумын төвөөсөө 60 км-ийн алслалтай. Нийт 93042 толгой малтайгаас 0,4 хувь нь тэмээ, 17,6 хувь нь адуу, 12,9 хувийг үхэр, 39,2 хувийг хонь, 29,9 хувийг ямаа эзэлдэг. Жаргалант багт Монгол улсын сайн малчин Б.Долгор, Х.Мөнхболд, Ардын их хурлын депутат, аймгийн олон удаагийн аварга малчин Д.Дугар, аймгийн аварга малчин Долгор, Ш.Дүүрэн, Р.Цэдэнжав, Доржпалам, Д.Бямба, Х.Осгонбаатар, Ж.Занданбал, Н.Жамъянцэрэн, О.Ирэнбар, Ж.Сумъяа, Х.Мөнхбат, Монгол улсын алдарт уяач О.Шадав, Д.Дугарсүрэн, Б.Хүрлээ, аймгийн алдарт уяач Д.Бямба, С.Жадамбаа, Д.Эрдэнэбаатар, Г.Дугар, Ж.Болд, Х.Арсланбаатар нарын олон олон сайчуудын нутаг билээ. Багийн засаг даргаар Д.Эрдэнэбаатар, Д.Мандаа, Г.Дугар, Ш.Адъяасүрэн, нар ажиллаж байв. Одоо Д.Буянхишиг ажиллаж байна.